حوار بين اثنين سمعهم تقيل
تخيلوا لو اتنين سمعهم تقيل اتكلموا مع بعض!! . ايه اللي ممكن يحصل ؟ تعالوا نشوف اتنين
من دول، واقفين على محطة الاتوبيس ودار بينهم الحوار ده
ريهام : الاتوبيس ده بيروح مــصر الجديدة؟
سمسم : على الحديدة !!... ليه انت طالب احسان
ريهام : بذرة الكتان !! لا ..دي تلاقيها عند العطار
سمسم : جزار!! اه .. قولي كده .. عايز تشتري لحمة
ريهام : معاك حق.. الدنيا زحمة ..علشان ده ميعاد خروج الموظفين
سمسم : نور الدين !! لا والله .. ماعرفوهش ريهام : ما بتشربوش !! ليه ..كفا الله الشر سمسم : رأس البر !!! ..ده مــصيف هادي 
ريهام.: عايز تركب للمعادي... دي منطقة جميلة سمسم : بليلة !! انت شكلك كده جعان
ريهام : عيان !!! أه والله .انت باين عليك عيان ..طيب ما تروح للدكتور
سمسم : الحنطور!! ده احسن من الأتوبيس ، وبيوصلني لحد الباب
ريهام: هبــــاب !!! وانا اللي كنت فكرك محترم 
سمسم : اتخـرم !! هو مين ؟؟ ريهام : عاوز اسـبرين ! ليه انت عندك صداع ؟ سمسم : قراع !!! ينهار اسود . ده مرض خطير
ريهام : لا والله مش عايز. وبعدين مش بحب الفطير. تقيل على المعدة وتمنه غالي سمسم : خالي.. انت تعرف خالي ؟ ده راجل كبير في السن ريهام: الجن .. نهارك مش فايت ..انت عليك عفريت .!؟ 
سمسم : لا والله ..ممعاييش.. انت عايز الكبريت ليه . عايز تولع؟
ريهام: أدلع ! أدلع عليك انت!؟ انت ما تملاش عنيا
سمسم :يقبضوا عليا !! ليه !؟
ريهام: انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش سمسم : خيش !! والله ده صوف انجليزي ريهام: بنتك زيزي !!! ربنا يخلي... سمسمه: أنتاج محلي .!!!! ده مستورد يمر شاويش من بتوعنا ... يلفت انتباه الحوار، بتعمل ايه يا جدع منك له!!! ريهام وسمسم: ايوة يا شاويش ...احنا مستنين الأتوبيس نهاركم مش فايت .... جواسيس !!! قدامي على القسم
هاهاهاهاهاهاهاهاها 
موضوع: حوار بين اتنين سمعهم تقيل 
السبت مارس 22, 2008 5:39 pm
وفي النهاية احترم رايك الخاص دموع مغترب